Autocares Rico nace nos anos 30, grazas ao impulso emprendedor de Antonio Rico García que ideou unha solución para cubrir as necesidades de desprazamentos do mercado. Para dar nome á compañía elixiron o apelido do fundador: o máis fácil de pronunciar e o máis atractivo comercialmente. Vinte anos máis tarde, Autos Rico -nun novo reto empresarial, con motivo da emigración, emprende accións dificultosas- é precursor nos desprazamentos dunha comunidade a outra e mesmo a países de Europa por causas económicas ou sociais.
Así mesmo, co esplendor do turismo en España na década dos 70, a nosa empresa non é allea e impulsou desprazamentos especializados en viaxes ou servizos de turismo.
Na actualidade, a empresa ofrece un amplo abanico con diferentes coberturas: colexios, traslados de chegadas e saídas de aeroportos, hoteis, estacións de tren, visitas a cidades, desprazamentos a restaurantes, actos culturais e deportivos, excursións, etc…