AECA busca modelos para o II DESFILE DE MODA do CCA Arzúa
AECA ven de poñer en marcha unha campaña de captación de modelos a través das súas redes sociais, para levar a cabo o II DESFILE DE MODA do Centro Comercial Aberto de Arzúa que terá lugar o vindeiro 10 de maio no Multiúsos de Arzúa, e no cal as tendas de moda asociadas presentarán as novas tendencias das coleccións de primavera – verán.
As persoas interesadas en formar parte de este proxecto para a promoción do comercio local deberán contactar coa Asociación de Empresarios da Comarca de Arzúa a través do correo electrónico: info@aecomarcadearzua.com ou ben chamando aos teléfonos 981 815 049/ 636 041 693 en horario de oficina antes do 11 de abril.
